||తడి మనసులు||
ఏమని రాయను
పుప్పొడి రేణువుల
రసికత్వాన్ని వాయులీన నిచ్ఛ్వాసల్లో
విరహ గీతాలేవో శృతి చేస్తుంటే
రేయి పగల రాపిడిలో
రగిలే కొన్ని గీరకళ్ళు
తమకాల పొరలు
ఒక్కొక్కటిగా వదిలేస్తూ
అంతర్మధనాల ఆటల్లో
అల్లరి గాట్లు
మోహపు మంటలేవో రేపుతూ
గోటి గిచ్చుళ్ళ
శృంగార అంగారాల్లో
బందీలైన రెండు
తడి మనసులు
చిలిపితనపు చిగురులేవో పలుకుతూ
జంటనీడల ఒంటరితనాల్లో
అదేదొ అగాథ లోయల్లో
శరీరాల్ని ఆరబెట్టి
ఆత్మలను స్పర్శిస్తూ
ప్రేమని తాగేస్తూ
రహస్యాన్ని చేదిస్తూ
9/9/15
No comments:
Post a Comment