పచ్చివాసన కొడుతున్న డస్ట్ బిన్ దేహల
రక్తపు ముద్దల్లో పసిఆయువుకి స్వాతంత్రం
అత్తరు వీధుల్లో అణిగిపోతున్న ఆత్మలకు
శరీరాన్ని వదిలేయడం ఓ స్వాతంత్రం
నడిరోడ్డు "రేపు"ల రాజ్యాలను రక్తాలతో రచిస్తున్న మృగానుభావులకు ఓ స్వాతంత్రం
కళాశాల ఉరివేతల్లో కాళ్ళను
విడిచిన టేబుళ్ళకు ఓ స్వాతంత్రం
మనిషితత్వాన్ని విసిరేసిన మనిషికి
ఓ స్వాతంత్రం
జెండా ఊంఛా రహే హమారా మాటల్లో
జనతా నీచే రహే హమేషా నిజాల్లో
గవర్నమెంట్ గదుల్లో పంద్రాగష్టు పాటల్లో
రంగుల కాగితాల్లో చూసి మురిసిపోయే
సో కాల్డ్ స్వాతంత్రమిది
వెర్రితనపు చాక్లెట్ సంబరాలే ఇవి
మట్టితనంపై అంబరాన్నంటిన భక్తి కాదిది
అర్థరాత్రి నడిచే స్త్రీని స్వతంత్రానికి సింబాలిక్ గా చెప్పిన గాంధికి తెలియదు
"వస్తావా" అన్న కూతలుకు అది స్వతంత్రమవుతాదని
ఫ్రీడం ఇజ్ మై బర్త్ రైట్ అన్న స్లోగాన్కి తెలియదు
రేప్ ఇజ్ మై బర్త్ రైట్ అన్న నాలుకలకి
స్వతంత్రాన్నిస్తాయని
పొలిటికల్ పార్టీలకు ఓటేసి సీటుకి రూటేసి
అమాయక స్వార్థ మకుపి లే ఇస్తున్నారు స్వాతంత్రం
తమ్ముడూ మనది
టు బి కంటి"న్యూడ్" ఫ్రీడం రోయ్
అన్నయ్యలు మనది
కమింగ్ అప్ స్వతంత్రాలోయ్
15/8/15
No comments:
Post a Comment